2006年5月31日 星期三

端午節 / 新電腦

近來工作繁忙,連上網都冇時間,更加冇精神寫blog,難得有mood,所以「重出江湖」。呢幾日都不停落雨,就算今日係端午節公眾假期都唔例外,不過落雨又冇咁熱。

最近終於換咗部電腦,而家上網同做其他嘢都快好多 (以前嗰部太out),又有手寫板 (買電腦送),以後寫blog快好多。

今年真係好時年,身邊喜事重重,同部門已知有兩個嫁 (往年一年都未必有一個)。又有一個生仔(女?),連我一個馬來西亞朋友都會在九月結婚。真係可喜可賀!