大牌檔

而家越嚟越少呢種大排檔，因為市容問題，政府唔會再發牌，持牌人過身個牌就取消。係大排檔食嘅嘢其實都係中式炒餸、粥粉麵、西式茶同餐蛋麵嗰類；但個種風味同美食廣場嗰種完全唔同，因為後者祗係快餐店嘅擴大版。但唔知點解香港政府硬係覺得佢地唔衛生（好多新式餐廳反而成日有集體食物中毒嘅消息），同現代化嘅香港唔配合（但新加坡商業區都有係夜晚開闢專區都有俾人開呢大排檔啦）。

Pursue your life

今日老細出咗個email話同事G會係六月離職同埋有關嘅人事調動。其實我都唔係太surprise，因為之前我都聽到佢話想休息，估唔到佢真係坐言起行；Ｇ係公司做咗超過十二年（仲耐過我），同佢幾有緣；我地曾經係鄰居，佢住係我樓上，係我初入嚟做時無意中講起先知，不過嗰時佢已經唔係嗰度住，但佢屋企人仲係，而家連佢屋企人都搬走咗去隔離d居屋住，我亦都同家姐搬出去住la。另一樣同Ｇ有緣就係佢預科係同我中學同一間學校tim。我有機會都想問吓佢有咩未來大計。老細個email提到Ｇ嘅離職原因係寫 "pursue her life"，令我挑起我近呢一年有嘅念頭 .... 離開現在嘅工作，在有生之年嘗試做其他嘢，過另一種生活–pursue my life .......... 不過一切都要好好計劃！

溏心風暴

最近偶然睇到TVB 劇集「溏心風暴」；嘩！「季節」（八十年代TVB 劇集）千禧版 – 一樣係屋企大棚人，大媽係一家之主，好似「家庭法官」，據說後來劇情會講到養子（陳豪）原來係阿爸（夏雨）個私生子，無線d劇集經常為方便拍攝而安排係屋企食飯坐長枱，我唔知香港有幾多人屋企仲會有咁嘅情境。其實自己由細（七十年尾）睇TVB到大（老！），覺得佢地除咗有d劇集如「妙手人心」嗰d外，近年d劇集好多都同現實社會好脫節（近期嘅「同事三分親」已經叫做好d）–依然係一家人係屋企食早餐（仲要係白粥油炸鬼），晚晚齊人開飯，人人都係番朝九晚五；一般打工仔住千尺豪宅，一家大細幾代住埋一齊（實則而家越來越多人未婚獨居）；出入搭小巴多過地鐵巴士，難怪內地、東南亞國家人都誤解港式生活（TVB 劇集行銷全球，不過據說已大不如前），香港人就越來越冇共鳴。

我的收藏品 （幾米）

延續我之前兩篇關於我的收藏品的blog，今次要講的是幾米。認識他是由「向左走、向右走」開始–由一位台灣朋友的email中附上這本書的部分內容，我看了非常touching；因為某些情節我也曾想過，後來在台北誠品書店看到便買來看，覺得他的畫色彩鮮豔帶點粗糙感，後來看過他的電視訪問，知道他是曾患血癌因而寫出這本書，從訪問中卻看到他樂觀、可愛（！）的一面，繼而買了不少產品，有些更是在從幾米的官方網站郵購的，在台灣的銷售點也沒有出售。例如下面其中照片中的手飾盒和悠遊卡。

台北捷運悠遊卡（=香港八達通）

茶餐廳

佐敦白加士街有一間叫「澳洲牛奶公司」嘅茶餐廳，經常都人頭擁擁，睇佢個名都知有燉蛋嗰類嘢食，但實際最多人食嘅係上面張相裡面個餐牌上嘅茶餐，特式在個餐所包括嘅嘢全部可以改；我通常會由「义燒湯意粉／火腿煎雙蛋／牛油方包」轉做「牛肉通粉／火腿炒蛋／多士」（唔駛加錢），基本上變成另一個餐，個餐牌唔會寫但非常有彈性，唔似其他茶餐廳寫明否則冇得改。呢D食品種類少甚至冇飯／公仔麵／米粉供應嘅舊式茶餐廳／冰室而家越嚟越少，取而代之就係「翠華」嗰種睇嚟好先進（電腦落單）、好有效律但係永遠都係見到Ｄ侍應生（樓面）走來走去，但好難先叫得住佢落單（可能真係人手不足）。「澳洲牛奶」估計樓面有成廿個，清一色係廿幾至四十幾嘅男人，同而家好多茶餐廳好唔同，佢地為慳錢請哂Ｄ冇經驗嘅師奶，落單都聽唔掂，有時要就吓佢地寫完一樣先再講下一樣嘢。「澳洲牛奶」有樣唔好就係雖然效律高，但氣氛好緊張，你呢頭落完單唔駛兩分鐘就所有嘢嚟哂，Ｄ人快食完走，佢地又可以做多轉生意，唔係點請咁多樓面招呼Ｄ客，安排座位，快Ｄ落單，快Ｄ有嘢食，快Ｄ走得，真識做生意，所以傳统嘅經營手法其實都好work ga！講到重點–食物，佢Ｄ嘢掂ga！特別係炒蛋，好多茶餐廳Ｄ炒蛋似煎蛋整碎或者直情似煎蛋。所以而家有機會去開嗰頭都會幫襯吓，唔知幾時輪到佢又消失。以前旺角通菜街（女人街）有一間呢類茶室，規模比「澳洲牛奶公司」細好多，又係有燉蛋食，但前排去已經執咗，嗰間令我記得係佢個餐牌；攝喺枱面玻璃下嗰種，半張A4紙咁大，上面印咗三種餐嘅內容，由上而下–早餐、茶餐、快餐，特別在每項旁邊都有個代表圖案–早餐係日出、茶餐係茶杯、快餐係火箭，線條好簡單但一睇就明而且好配合內容，可惜我以前冇影底。

舊區／出口成衣店

近年台灣能夠突破以往只適合年長的香港人去旅遊，變成現在很多年青人的旅遊熱點，除了是台灣文化在本地流行外，台灣（特別是台北）重建舊區之餘仍保留原有特式（亦可能是台灣政府不太績極發展），西門町便是一個好例子，其他的夜市衹有整頓不會清拆；如士林夜市由以前的鐵皮屋變成現在的有蓋熟食檔，附近擺地攤的依然在。香港卻對大牌擋趕盡殺絕，認為它不衛生和有損市容。遲些連花園街嘅波鞋街部分也可能會消失，一些由民間經歷多年形成的特色，政府往往以為可以刻意製造出來，好像早前政府打算重建中環嘉咸街那幾條街但又提出建立一條「老店街」，招攬一些有歷史的商店在那裡開分店；這些「想法」真是做官才想得出來。

其實花園街另一部分是賣出口成衣及一些廉價貨也很聞名，有中國內地人也曾向我打聽過。那裡馬路中心是一些鐵皮屋「梗」檔，現在香港是買少見少了。尖沙咀加連威老道已因為租金上升而令售賣出口成衣的店鋪消失。記得我所認識的第一間出口成衣店是九龍城「七記」，那是七十年代香港製造業開始蓬勃的時候；這些店鋪特式在衹有簡單裝修，可以自由地逛遊，不會有「殷勤」的售貨員，顧客可以在「不受覧視」下看東西。很多人都覺得這些出口成衣店賣的都是次貨和亂糟糟；正因為這樣才有「尋寶」的樂趣；而且確實在那裡可以找到「寶」–那裡的貨品一點也不差，有些更是名牌（要剪去label否則可能犯法），有些是在香港不流行的外國品牌但cutting/質地不錯，好像Next, Laura Ashley（前者在英國類似馬莎，在香港早幾年尖沙咀新港中心曾有分店；後者現在Sogo內仍有分店，東涌東薈城有outlet，半截裙正價要過千元的但cutting幾好)，甚至超值，而且尺碼比較多，不像一般時裝店祇有「標準」身材才合穿。不過一定要懂得看質地和要撿查清楚有沒有破爛或手工／cutting有嚴重問題，如果是輕微不太礙眼就可接受，因為在內行標準是不合格或客人（外國入口商）不接受，但在普通消費者來說是完全看不出的。加上貨品數量不會太多，不會像在大型連鎖店和一般時裝店買衣服會容易變成「制服」；點解？因為連鎖店分店多，市場佔有率大，因此在所難免；一般時裝店雖然老闆不同，但所出售的貨色因應潮流而大同小異，甚至都是向差不多／相同的批發商買貨，所以來來去去又是那些貨品，在旺角那些所謂潮流商場就最易見到。

現在「七記」在中環和九龍城仍有分店，以前在銅鑼灣也有。這類出口成衣店多數開在舊樓地下，在中環、九龍城、旺角花園街、灣仔、銅鑼灣利園山道等仍有，但隨着市區重建，這類店鋪將成歷史。