好凍呀！

以上兩張相係30/1中午影嘅，外面煙雨朦朦，..............好凍呀！

今晚得9.2度，新界仲得7度，好耐冇試過連續咁多日都咁凍。

大家要保重啊！著多件衫，冚多張被，做足最高保暖措施，所有暖水袋、羽絨被／外套、暖爐／暖風機、天蠶衣（內膽）要盡出喇！........連去北海道嘅裝備都要出埋tim！

地盡其用

泊單車順便晾埋衫，用盡空間，之不過人地攞車可能要穿過「萬國旗」先攞到。

派利是

年近歲晚，又是張羅新鈔票和利是封的時候。新聞說有9成受訪市民會過一個綠色新春；但真正做到的有幾多？所以在銀行依然有人大排長龍。但我從來都不曾為此煩惱過，一來我的家庭在這方面的需求不大，不像我以前有些同事就算未婚但仍然每年要換大量新鈔票和拿新利是封。二來我畢業後第一份正式工作是在一間主要業務是電子的上市公司，跟很多銀行有業務往來，所以我任職的Finance Dept在這方面一點也不缺，同事們也不需要「特別爭取」；不似得我剛離職那間 Big 4 的會計部，一群女同事不論已婚未婚，一知道有新利是封拿回來就不理其他人需不需要便拿去一大堆，貪婪的樣子表露無遺，幸好仍有位資深同事會「提醒」其他人要留一點給未拿的同事。這就是部門每年「真情流露」的時刻！

到新春假期後第一個工作天，又是「人性大表現」的時候；很多同事都變得無心工作，全情進行「𢭃利是」大行動，當中未婚20+／40+，已婚30+和有兒女的，都放下平日的「矜持」，變身成「拜年」兵團，一收到訊息說那一位「老細」將會「發放」利是，她們便用比平日工作快好幾倍的效率出動（按：我曾工作的這間公司有數千員工，香港office分佈多個大廈，單是我那個部門所處的大廈這公司已佔差不多6層）。公司人多在派利是方面也是一門學問；經非正式的調查所得，一般同事多採取「門戶政策」- 衹派給同部門的人；而「老闆」級通常是要員工親自向他們拜年才會派發利是。所以每年這天老闆房門口都一定出現尤如搶購演唱會／新股認購表似的人龍。派利是不分種族，很多外籍人士也入鄉隨俗，還會加一句平日不大會說的廣東話 - "Kung Hei Fat Choi"。不過近年男女／家庭關係令派利是傳統起了一些變化；那就是很多人是離婚或同居，究竟這些身份的人要不要派利是呢？法律沒有明文規定，傳統又是以前流傳下來（N年前沒有想到這情況），沒有一定的準則，所以這些傳統禮儀都是每個人想怎樣做便怎樣做就好了。

N個遲到／請假的理由

唔知醒

試過有同事過晒鐘仲未見返工，打電話去佢個手電先「如夢初醒」話即刻返嚟。但有D會早一步打電話返嚟承認瞓晏咗，理由係唔舒服食咗藥所以起唔到身 .....佢唔係第一次，包括冇食藥；點解唔set鬧鐘呀？我都試過鬧鐘唔響瞓晏咗，同事打電話嚟我就「最佳女主角」上身，即刻話唔舒服（啱啱瞓醒把聲未開就更加傳神），睇下一陣會唔會好D咁就會返工。呢個理由唔止我一個用過ga！

 

塞車

呢個係香港最「行」嘅理由；但係日日都係嗰個時間搭嗰班車，又冇特別意外，無喇喇點解會塞車，箇中可能是事實，但不排除同上一個原因有關，因為我試過有同事打電話返嚟嗰陣佢個背景非常靜；係香港有邊種交通工具咁寧靜？可能只有屋企........佢係屋企已經知會塞車兼遲到。

 

睇醫生

好多人喜歡工作時間去睇醫生，但又唔駛請病假，其中有D因為醫生嘅睇症係只有辦公時間，所以無可厚非。但有D人連洗牙都約係自己工作時間咁就有點那個。

 

個仔／女病咗

為人父母最多時因為咁而要遲D返工甚至請假。所以以前有D公司唔係好鍾意請D有仔女嘅員工，特別係女性，因為驚佢地要成日請假，好似而家少咗呢D情形，因為D公司怕俾人告佢地歧視。

 

詐病請假

有時因為冇晒大假，所以有D人咪話病囉；病假紙好易攞....我唔係話做假文件，其實你去睇醫生，同醫生講咩咩唔舒服，好多時私家醫生唔會質疑你，仲會肯俾病假，醫藥費可能仲有公司俾（claim保險）；所以有D公司要職員睇指定或政府醫生。試過有教師因為要幫好友做伴娘但又唔可以用呢個理由請假唯有講大話請病假（PG家長指引：小朋友唔好學Miss講大話呀！）

 

其實理由千奇百怪，真係講都講唔晒，呢度只係「冰山一角」。

請病假

看報章報導，近年香港的上班族因工作時間長而令請病假的比率增加，直／間接影響生產力。我自問不論在職在學都很少請病假，尤其是一日的病假，有好幾年更一日都沒有（好像很健康），不過一是不請，一請就是一個月；06年11月中至12月尾 - 入院做手術+休養。在此之前衹試過在01年入院做手術但連休養衹是放了4天假，那個做手術的器官比06年做的那個表面看來更嚴重（弄不好可致命），很多同事都驚嘆我復原得那麼快（其實是科技進步而已）。

在那時我有一位同事比我遲一星期動修補耳膜手術，這位同事因為總覺得她的主診醫生做的手術不好，令她復原得很慢，甚至手術麻醉後，要好幾日才回復精神，所以她要比其他人更長的休假；後來放了3星期病假（公司過往有好幾位同事都有做過相同手術的都是放1星期）。這位同事在此之前已經常請1-3日的病假；有一次她更在放了一日annual leave（星期五）連星期六、日去了台北3日之後再請4日病假，這樣她就變成放了1星期假；難怪我們的部門主管也笑說她其實是不是仍在台北未回來😏。經此一役，我的上司連同我便跟她做了一次「檢討」，上司更做了一個統計，發現這位同事原來經常在長假期後和星期一便會請病假，情況非常明顯（其實我早已留意到，這更令我一度以為這位同事很喜歡在假期中喪玩呢）；問她自己知不知是甚麼原因，她就哭着說不知道，上司便唯有忠告（勸喻）她要堅強些和小心身體，後來這位同事真的少了請病假。

從這個例子說明一點 - 其實有時生理上的病痛跟心理和精神有莫大關係。因此香港人近年請多了病假其實除了是生活習慣和飲食健康有關之外，生活壓力和社會風氣比較緊張也有很大關係，生活不開心也會令自己好像有病似的。

所以一切都是從心開始！

總結／回顧

本人在職場打滾多年（幾多年就不便透露，但在我的網誌中其實可猜到一二），剛辭職的公司也工作了十二年，之前還有好幾間，不計一些「短暫停留」之外，工作年期由一至五年不等，其中不乏有點規模，其中有歷史悠久的唱片公司，旗下曾擁有不少天皇巨星；有當時的上市公司；有大型的成衣製造／出口公司；也曾任職一間規模很小的電影公司短短兩星期，類型不同，都可說是見證過香港的經濟起落及轉型。我想趁還有記憶，在這個「悠長假期」為這麼多年做個小總結／大回顧 - 所見所聞，還有一些人、一些事。

去到我這把年紀，工作的年月一定比學校生涯長得多。在這悠悠歲月，我經過多年的營營役役，日復日、年復年工作，和很多人／事遇上、分開，真的有很多人和事被壓在我的記憶底層，如果不是有這個空檔，隨着年紀漸長，這些記憶可能會像家中的舊物被違忘在某個角落，想找時找不到，但可能在無意之間被翻出，不想記起的偏記起，帶來一點衝擊。這樣情況跟張國榮主演的電影「異度空間」有些相似，不過希望不是電影中那麼可怕。

為乜呢？

Blog友蔡太話我咁多怨言都係舊公司撑到十二年。咁我就檢討吓我為咩係呢間公司。第一樣諗有咩令我留低；諗來諗去，原來冇乜開心回憶。除咗間中係工作上有D滿足感外，其餘都係同利益扯上關係 - 5天工作、福利OK、人工唔錯（以我咁嘅qual）、大公司穩定.....；加上開始年紀漸長，做咗咁多年嘢，覺得「到處楊梅一樣花」，間間公司都有問題冇可能有完美，可接受眯得囉.......。點知終於最後真係去到不能接受嘅地步而請辭。

往者已矣，今年要從新上路喇（不過而家仲係起點休息中）！

Y!Blog真麻煩！

剛才Y!Blog有D問題，係我upload新網誌時重覆出咗兩次，咁係我delete其中一篇時，有位blog友剛剛回應，所以連個回應都delete埋；我不但睇唔到佢嘅回應全文，而且對佢好似唔係好尊重，不過我又click唔到佢個blog，所以係度講聲對唔住，如果呢位blog友睇到呢篇blog，可以的話請再留言。謝謝！

 

回應網誌/圖片：在Big4工作的日子

雖然我只係一個做過十年嘅爛鬼會計,但係都明白big4係咩嘅一回事,只要一日唔走,你都要捱落去,咩嘢大公司體諒員工果d... 《 詳文 》

檢視文章

我在Big4的日子

如果blog友們唔明標題中Big4嘅意思，咁可能對以下呢篇blog冇乜興趣（不過都希望同各位分享一下）。

我係Sina Blog睇到一篇文章(你想在Big4工作嗎？)有好大感觸（雖然覺得文章有D過份負面）；因為我剛剛離開一間工作咗12年嘅 Big4 firm ，雖然我係support department做，但都略知professional departments （賺錢部門就叫professional！）情況。

OT真係好嚴重（不論professional or support departments），甚至隨時「通頂」；如果出job(trip)就更加辛苦；以我做過呢間公司為例，近在深圳、珠海，遠至拉薩、哈薩哈（係邊？我好多同事都唔知係邊，哈薩哈其實係中亞國家），名副其實上山下鄉，好多人捱唔住病倒甚至要辭職。我就知道有人要係拉薩度過聖誕、新／舊曆新年都未返過香港。我諗好多父母諗住個仔讀呢科到大學畢業會坐寫字樓、嘆冷氣，點都估唔到做會計師要孭背囊，拉住個裝滿文件嘅大旅行袋去做嘢，所以Ｄ人流動性好大（捱唔住）。

有D support部門老細更加唔俾人 claim OT，以免工資 over- budget。我個部門雖然俾 claim OT，但你勤力肯OT就覺得你呃鐘或工作效律有問題；你唔想OT咁多而係工作時間不停做（toilet都唔去），倒頭來會覺得得你工作量有空間增加，因此越來越多嘢做。所以係呢度做要學識「控制工作進度」，以達致「平衡」- 有OT但不過多而招來「質疑」；亦不會過少而招致「加工」。我個人係呢方面都有D心得；不竟有12年「功力」。但咁樣唔代表我接受呢種「文化」。

仲有一樣就好似文中提到嘅「放飛機」（又係要行內人先明）；係呢 D Big4 大公司做，好多時花哂D時間做埋D「門面」嘢；例如：老細為求安心會要求我地核對hard copy後，係密密麻麻好多items嘅spreadsheet上每個item旁邊用筆剔一剔，俾佢覺得你有對過D嘢，其實佢地衹係見到D剔就算，唔會理你有冇真係check過。實則 D hard copy 上嘅嘢同spreadsheet 係嚟自同一個source，資料一定相同，分別衹係presentation format。check 多一次係如果好得閒就話啫，鬼咁多嘢做邊有時間丫，唯有唔逐項對，祇係揸住支筆係咁剔（仲要兩個人剔兩次），咁都好花時間(呢個方法用咗咁多年都冇出事 ，有試過揾temp staff幫我剔tim)。所以好多時間都係咁浪費咗；試過提出唔想做呢D無謂嘢但被manager拒絕（大公司文化 – 做開冇事唔好改）。

有時為咗工作方便影印好多copy，公司雖然提倡環保，又係office設置紙張回收箱；又鼓勵用印過唔要嘅紙另一面再影印或printing。但好多時同事貪方便或為免整壞影／打印機（因為放「舊」紙入機容易jam），因此下下用新紙，橫掂係公司俾錢買，但整壞部機就俾人話「揾嘢嚟搞」；我就俾人「勸喻過」呢。

以上只係冰山一角；可能好多大公司（包括政府機構）都有咁嘅情況；正所謂「官僚」! 就算有機會同上層反映，佢地唔係話「人人都係咁做」、「冇辦法，係咁嫁喇」、「要有証據證明你嘅工作量過高」；又或者同佢地透露感到精神緊張，每逢週日就不其然感到恐慌，唔想返工；佢地就好似講笑咁話：「我都成日唔想返工喇」嘅類似說話嚟回應你，覺得你嘅問題好小事，係你將D情況放大咗啫。到我真係辭職，佢地唔想你走（要請過一個新人搞好嘢又冇咗個人幫手recall memory-因為好多時要跟做開嘅practice做，但往往呢 D practice 係冇black in white，純粹靠人腦記憶）就叫你去尋求專業輔導嚟解决問題（呢間公司由去年開始唔知係唔係真係發覺好多人因為咁出現問題而影響工作甚至離職所以提供呢項服務）。其實問題根源唔解決，對於我嚟講係冇幫助（D「專業」輔導員所講嘅我都識講喇 – 放輕鬆D、唔好理人地講嘅嘢、返屋企就唔好再諗公司嘢....但係我老細叫我D嘢係公司冇時間諗就利用放工之後嘅時間去諗）。

正如嗰篇文章提到一個電視節目（我都睇過）映過一間Big4（唔係我做過嗰間）嘅chairman/senior partner（？？-唔係好肯定）夜晚會巡視成個office「趕」D職員收工，但員工如果真係收工而第二日交唔到「功課」，咁可唔可以話大老闆叫收工所以做唔完？.....答案多數係.....你咁大個人唔識諗ga？

呢個遊戲唔係人人啱玩，但仍然有人因種種原因在自願或非自願地繼續，我仍對各位業界深感佩服和尊重。

早餐

(註: 照片因在網誌搬家時消失了而欠奉)

以上的雙腸煎雙蛋是不是很醜樣？但對於一個既不喜歡又極少煮食的人來說，成功完成這個早餐已是踏出第一步。

p.s. 不過以後都係去大家樂食早餐算喇，乾手淨腳！

身外物

一月二日正式告別舊公司，但由去年十二月三十日開始分三日從辦公室帶回三大袋雜物（十二年三袋不算多吧），但忙這忙那至今晚才真正執拾好。帶回的東西包括杯、暖水壺、字典、各式磁鐵／擺設、計算機、涼鞋、外套、照片甚至鐵罐（當然是有特別款式），立立雜雜一大堆，原來多年來累積了這麼多物件；其實一個人一生會積聚多少「身外物」呢？我跟姊姊搬來現址住了八年，更加見證了由一間「吉」屋變成「雜物滿屋」。

悠長假期的開始

今天開始了我的無業生活。昨天最後一日工作仍逃不過OT的「宿命」 - 需要6：45 PM才「放工」（我的工作時間其實是8：30AM - 5：30PM）；我的那個所謂「下屬」仍在最後一刻給我文件核對，好像忘記我這天是last day （我連工作証也交還人事部了），更不要說跟我say goodbye (不過都預咗）。而自己部門則在差不多五時召集所有同事作一個簡單儀式，宣佈我的離職（其實差不多人人都知）及歡迎剛剛加入的兩位新同事，並送給我離職禮物 - iPod nano (8GB)；之後大家就吃着我掏腰包買的西餅，「係咁咦」看一看我那份禮物（因為那份禮物很快就傳回我的手上），大家便各自各聊天，跟平時每月有同事生日沒兩樣。

我還買了朱古力拿去一些相熟的部門分享兼say goodbye。得到最多的回應是 - 恭喜晒！又有人跟我「大吐苦水」 - 訴說對公司和工作運作的不滿。

到真正離開office的時候，出奇地沒有特別的感覺，跟平日下班沒兩樣。在乘港鐵回家時發了個SMS給同事D，因為我由第一日在這間公司工作時一直得到她支持和關照，所以我一早預了她是唯一send SMS say goodbye的同事。

我的工作生涯就在此暫停........

開始／結束

今天是2008年的第1天，明天是第1個工作天，亦是我在現在工作的公司最後1天。回望2007年，發覺工作問題佔了很大篇幅，九月之後更去到爆發點；一直類積的問題而形成的壓力，已對我身體做成影響，所以不得不在工作路上暫停一會。

希望新的一年有新開始...............先做一個閒人吧！

祝各位新年一切順利，心想事成!（嘩！拜年呀？）