機場落日

我係屋企都望到同一個景，但住低層，所以祇睇到部分，「海市蜃樓」就見唔到，但仍可在黃昏時見到「咸蛋黃」全隻。

可惜攝影技術不精，所以冇類似照片可作比較。

幾米的秘密花園

上星期四放工後去咗香港藝術中心睇「幾米的秘密花園」；其實唔算好多嘢睇，祇係展出大約各十幅「月亮忘記了」及「又寂寞、又美好」內的畫。仲有幾幅係「微笑的魚」、「地下鐵」、「向左走、向右走」等。仲有放咗三個大約兩尺高的「小蝴蝶」、「小披風」及「微笑的魚」主角公仔。但最多人合照係「微笑的魚」主角公仔，但我比較喜歡「小蝴蝶」。另外仲有「月亮七個半」舞台劇的製作過程部分記錄及道具。HK$30入場費有精美門票、報事貼、postcard .......仲可以任影場內任何嘢，都算「值回票價」啦（影咗Ｄ公仔和畫可以做 wallpaper，我見有人差不多所有畫都影）！仲有場內放咗幾本幾米的書，有新有舊；我都「打釘」睇咗「藍石頭」！

小孩子

那天在吉之島的超市買東西，在熟食部排隊買半價貨品時，排在我前面有一個粗豪肥大的爸爸，帶着他的女兒（大約五、六歲）在選購食品，他非常有耐性及温柔的問他的女兒要吃甚麽。在指示店員要那一隻雞肶時，兩父女一個說這，一個說那，令到店員有一點不耐煩。我當時覺得這個爸爸外表雖然粗豪，但對女兒頗細心（縱使我覺得有點過份縱容）。後來我在收銀處被這個小女孩用手推車撞到，可能我之前是看到她是像玩耍似的撞過來，心裡有點氣，所以對小女孩說了一句 –「個細路女好離譜」，之後便想離開，怎知她的爸爸原來在前一些的收銀處，當我行前兩步經過他前面時，他很大聲高叫–「都講咗對唔住，駛唔駛俾你打」(但我向小女孩說那句話時，她祇是望着我沒說話，我亦聽不到那個爸爸說對不起），當時我覺得這個爸爸原來都是野蠻人，不是剛才見到的模樣，本想不理他便行開，怎知他再重覆剛才那句說話，我依然沒有理會他繼續行開。後來阿肥告訴我那個爸爸因為女兒哭，衹顧哄他的女兒，所以沒有繼續駡。我們覺得小女孩是被她的爸爸的惡模樣弄哭的，因為我對小女孩說話時，我沒有哭或想哭的樣子。

有時覺得有些父母無想想想都想保護自己的子女，本來沒有錯。但過份保護卻帶來反效果。直接的就好像之前提過的例子，那個爸爸罵我都是出於保護自己女兒；但反而嚇倒他的女兒，令到她哭起來。而過份保護的影響就是子女不懂獨立或是太依賴家人或是其他人。我就見過活生生的「人辦」；已經四十歲的女性，但依然不大懂照顧自己，身體不適不會處理面對，甚至在消費上被人不公平對待也不懂或怕向對方據理力爭，衹會懇求別人替她「出頭」– 活像十多歲的小女孩！

所以真是「愛你變成害你」！

旅遊真樂趣

在上一篇blog中提到的那個將去北海道的同事回來之後，我有問過旅程如何，但她好像不大回味似的；問她首站是不是去札幌，她說不太清楚（我問她那天是她首天上班），經我用其他問題引導下，她才記起真是札幌 。其他的行程好像沒有甚麼好說，愛吃的她竟然沒吃北海道名產–長腳蟹，反而在小樽吃壽司 。去北海道前明明聽到她提過想吃長腳蟹，除非我聽錯或記錯。但阿肥分析認為她是同行者要吃甚麽她就吃甚麽，完全沒有自己的主意；可能正如她說她是參加「自由行團」！我這位同事一向都想參加這類「團」–自由行，但不想自己安排行程，由其他人代勞，自己帶個「軀殼」便成。所以我自99年開始跟她做同事以來，她差不多每年去一次旅行或以上，但我差不多每次都聽到她的不愉快經驗或是不大提起。我想她是不太懂得享受旅遊的樂趣，但她其實是想享受的，所以經常羨慕其他人有愉快的旅程。

以前曾經聽過黃Wyman說享受一個旅程不祇是旅行的那幾天；而是旅行前那段期待的日子，還有回來後一段日子的回味。這才是「全套服務」！ 我都頗同意他這個見解。旅遊的所見所聞不但豐富人生的經驗，還可以增多識廣，和其他人溝通都多一點話題。但參加旅行團或好像我以上提及的那個同事般雖然是「自由行」，但跟參加旅行團完全沒有分別的，所得「收穫」就相差太遠了。

怎樣的人生，是在乎你怎樣過你的人生！

北海道

今年唔知點解好多人去北海道，可能夏天冇地方好去，除非去德國睇世界杯。剛剛有個同事去完北海道、大阪 honey moon返來，其中係北海道仲自己揸車。佢話都唔錯，油錢比香港平，但公路費就好貴，要大約HK$300，行一個鐘頭左右。六月北海道仍比較涼，薰衣草田還未開花；聽講今年要七月尾才開。

另外一個同事前日由北海道返，要下星期一先返工，去之前聽佢講，機票連兩晚酒店要六千幾一位。另外三晚住民宿每位四千円，JR pass (北海道)又要千幾，去六日加加埋埋旅費已經每位超過HK$10,000，仲未計食同買，所以日本真係「消費强國」。但下個月仍有另外兩個同事又係去嗰度，所以日本就算消費幾高都不愁冇旅客。

我今年都計劃十月尾去日本，但就同潮流「背道而馳」– 東京。因為七年未去過，好多新景點／項目都未去過(好多而家都唔算新)，好似六本木山、Disney Sea、三鷹美術館等。而且想去埋橫濱。不過已經打算下年去北海道或九州；特別係九州 – 我第一個去嘅日本地區，已經係十年前嘅事！

端午節 / 新電腦

近來工作繁忙，連上網都冇時間，更加冇精神寫blog，難得有mood，所以「重出江湖」。呢幾日都不停落雨，就算今日係端午節公眾假期都唔例外，不過落雨又冇咁熱。

最近終於換咗部電腦，而家上網同做其他嘢都快好多 (以前嗰部太out)，又有手寫板 (買電腦送)，以後寫blog快好多。

今年真係好時年，身邊喜事重重，同部門已知有兩個嫁 (往年一年都未必有一個)。又有一個生仔(女？)，連我一個馬來西亞朋友都會在九月結婚。真係可喜可賀！

電視機

最近屋企部電視機個畫面出現橫紋，最初以為公共天線有問題，叫管理處搵人檢查一下，點知又話裝左有線就要搵番有線check，但有線一時又話有工程做緊 ,一時又話係公共天線問題，總之唔肯搵人黎睇,，後來管理處再搵人黎睇，就發現係電視機本身tuner有問題， 但有線咁既服務態度，我打算9月合約滿左就唔用，不過唔知搵邊間好。