電影你我他她Tag

悶悶地, 又有野玩啦!! 朋友仔有興趣既一齊玩下啦!!

以下是這個tag的玩法：

1.如果你不小心被人tag中，請按tag你那條blog友相關blog右下角的“引用網誌”，然後在自己的blog內新開一篇blog答晒所有問題－－包括那條附加問題。

2.然後你需要想一條附加問題，一定要和電影有關，但你自己不用答這條問題。

3.然後你開始tag人，你可以一個人都唔tag，又可以tag晒全世界。但僅記，唔好tag返那個直接tag你的人。

4.如果若干日後你被人tag返，便可以美其名曰“A circle of friends”了。你需要答晒所有之前沒有答的問題，但請不要再tag任何人，因為已經大團圓結局了。

以下是這個tag的問題和我的答案：

1.你今年最常去哪一間戲院睇戲？

UA 東薈城。

2.你最喜歡哪一位導演？

沒有特別喜歡，曾經比較喜歡岩井俊二。

3.你最喜歡哪一位演員？

沒有特別喜歡，比較欣賞廖啟智。

4.今年哪一齣電影最令你驚喜？

近年好少入戲院睇戲！今年祇睇過「春田花花同學會」。

5.今年哪一齣電影最令你失望？

沒有。

6.你有沒有試過睇戲睇到喊？

經常。

7.你會不會一個人去睇戲？

會。

8. 你最近看了哪一齣電影？

「春田花花同學會」。

9. 最令你感動的一套戲?

很多，比較深刻係「情書」和「觸不到的戀人」。

9. 係戲院睇過最多次數的一套電影?

不太肯定，好像是「两小無猜」。

 

附加問題：

一生人第一次有印象係戲院睇過嘅電影？

八十年代

昨晚係 Karma 個 blog 睇到八十年代的電影戲飛，令我想起八十年代嘅演唱會飛就更精美，同而家嘅電腦飛真係不可同日而語。附圖第一張就係我成世人第一次睇嘅演唱會–林子祥；83年要 HK$120，最貴係 HK$180，二十三年前嘅事！

另外一張林子祥演唱會飛係我最鍾意，嗰次演唱會唔同日子有唔同款式嘅飛，我個同事嗰張係「愛到發燒」嘅猩猩大頭。

仲有一張係「倫伯」出咗「霧之戀」之後84年第一次係紅館開演唱會嘅飛，當時倫伯幾「玉樹臨風」！咦！「露底」tim! 

機場落日

我係屋企都望到同一個景，但住低層，所以祇睇到部分，「海市蜃樓」就見唔到，但仍可在黃昏時見到「咸蛋黃」全隻。

可惜攝影技術不精，所以冇類似照片可作比較。

幾米的秘密花園

上星期四放工後去咗香港藝術中心睇「幾米的秘密花園」；其實唔算好多嘢睇，祇係展出大約各十幅「月亮忘記了」及「又寂寞、又美好」內的畫。仲有幾幅係「微笑的魚」、「地下鐵」、「向左走、向右走」等。仲有放咗三個大約兩尺高的「小蝴蝶」、「小披風」及「微笑的魚」主角公仔。但最多人合照係「微笑的魚」主角公仔，但我比較喜歡「小蝴蝶」。另外仲有「月亮七個半」舞台劇的製作過程部分記錄及道具。HK$30入場費有精美門票、報事貼、postcard .......仲可以任影場內任何嘢，都算「值回票價」啦（影咗Ｄ公仔和畫可以做 wallpaper，我見有人差不多所有畫都影）！仲有場內放咗幾本幾米的書，有新有舊；我都「打釘」睇咗「藍石頭」！

小孩子

那天在吉之島的超市買東西，在熟食部排隊買半價貨品時，排在我前面有一個粗豪肥大的爸爸，帶着他的女兒（大約五、六歲）在選購食品，他非常有耐性及温柔的問他的女兒要吃甚麽。在指示店員要那一隻雞肶時，兩父女一個說這，一個說那，令到店員有一點不耐煩。我當時覺得這個爸爸外表雖然粗豪，但對女兒頗細心（縱使我覺得有點過份縱容）。後來我在收銀處被這個小女孩用手推車撞到，可能我之前是看到她是像玩耍似的撞過來，心裡有點氣，所以對小女孩說了一句 –「個細路女好離譜」，之後便想離開，怎知她的爸爸原來在前一些的收銀處，當我行前兩步經過他前面時，他很大聲高叫–「都講咗對唔住，駛唔駛俾你打」(但我向小女孩說那句話時，她祇是望着我沒說話，我亦聽不到那個爸爸說對不起），當時我覺得這個爸爸原來都是野蠻人，不是剛才見到的模樣，本想不理他便行開，怎知他再重覆剛才那句說話，我依然沒有理會他繼續行開。後來阿肥告訴我那個爸爸因為女兒哭，衹顧哄他的女兒，所以沒有繼續駡。我們覺得小女孩是被她的爸爸的惡模樣弄哭的，因為我對小女孩說話時，我沒有哭或想哭的樣子。

有時覺得有些父母無想想想都想保護自己的子女，本來沒有錯。但過份保護卻帶來反效果。直接的就好像之前提過的例子，那個爸爸罵我都是出於保護自己女兒；但反而嚇倒他的女兒，令到她哭起來。而過份保護的影響就是子女不懂獨立或是太依賴家人或是其他人。我就見過活生生的「人辦」；已經四十歲的女性，但依然不大懂照顧自己，身體不適不會處理面對，甚至在消費上被人不公平對待也不懂或怕向對方據理力爭，衹會懇求別人替她「出頭」– 活像十多歲的小女孩！

所以真是「愛你變成害你」！

旅遊真樂趣

在上一篇blog中提到的那個將去北海道的同事回來之後，我有問過旅程如何，但她好像不大回味似的；問她首站是不是去札幌，她說不太清楚（我問她那天是她首天上班），經我用其他問題引導下，她才記起真是札幌 。其他的行程好像沒有甚麼好說，愛吃的她竟然沒吃北海道名產–長腳蟹，反而在小樽吃壽司 。去北海道前明明聽到她提過想吃長腳蟹，除非我聽錯或記錯。但阿肥分析認為她是同行者要吃甚麽她就吃甚麽，完全沒有自己的主意；可能正如她說她是參加「自由行團」！我這位同事一向都想參加這類「團」–自由行，但不想自己安排行程，由其他人代勞，自己帶個「軀殼」便成。所以我自99年開始跟她做同事以來，她差不多每年去一次旅行或以上，但我差不多每次都聽到她的不愉快經驗或是不大提起。我想她是不太懂得享受旅遊的樂趣，但她其實是想享受的，所以經常羨慕其他人有愉快的旅程。

以前曾經聽過黃Wyman說享受一個旅程不祇是旅行的那幾天；而是旅行前那段期待的日子，還有回來後一段日子的回味。這才是「全套服務」！ 我都頗同意他這個見解。旅遊的所見所聞不但豐富人生的經驗，還可以增多識廣，和其他人溝通都多一點話題。但參加旅行團或好像我以上提及的那個同事般雖然是「自由行」，但跟參加旅行團完全沒有分別的，所得「收穫」就相差太遠了。

怎樣的人生，是在乎你怎樣過你的人生！

北海道

今年唔知點解好多人去北海道，可能夏天冇地方好去，除非去德國睇世界杯。剛剛有個同事去完北海道、大阪 honey moon返來，其中係北海道仲自己揸車。佢話都唔錯，油錢比香港平，但公路費就好貴，要大約HK$300，行一個鐘頭左右。六月北海道仍比較涼，薰衣草田還未開花；聽講今年要七月尾才開。

另外一個同事前日由北海道返，要下星期一先返工，去之前聽佢講，機票連兩晚酒店要六千幾一位。另外三晚住民宿每位四千円，JR pass (北海道)又要千幾，去六日加加埋埋旅費已經每位超過HK$10,000，仲未計食同買，所以日本真係「消費强國」。但下個月仍有另外兩個同事又係去嗰度，所以日本就算消費幾高都不愁冇旅客。

我今年都計劃十月尾去日本，但就同潮流「背道而馳」– 東京。因為七年未去過，好多新景點／項目都未去過(好多而家都唔算新)，好似六本木山、Disney Sea、三鷹美術館等。而且想去埋橫濱。不過已經打算下年去北海道或九州；特別係九州 – 我第一個去嘅日本地區，已經係十年前嘅事！