東京行 (20 Oct 06)

 

今早差不多凌晨四時才睡，但五時便要起床準備出發去機場，因為搭乘西北機所以要早一點到機場 check in；幸好早到所以不是太多人，而且沒有被抽查行李，可能我們目的地是東京而不是 LA。在大家樂吃過早餐後再行經西北 counter，發覺人龍長得多了，所以早一點到是有用的。但在 boarding 前所有飛美國的航班乘客要再搜查一次，終被保安人員搜出有液體未有放進 check in 時地勤給我的透明膠袋；但其實那個「液體」當時的狀態已經不太像「液體」–那是一支開始變乾的眼睫液。

西北 NW2在8:30 am 左右「準時」起飛。西北機票便宜果然設備差一點；沒有個人電視螢幕，播放的電影也似荷李活Ｂ級片。機上的中文報亦衹得星島，好在不用搭這班去到 LA 那麽長程。到達東京成田機場是當地時間大約 2:30 pm，比預期早了一點到，拿了行李入境便找乘搭京成本線出市區；這是最便宜的方法 - Yen1000（至日暮里） + 190 (至品川）。
上了電車的最後一卡車廂，發覺一半以上都是香港人；可能每本旅遊天書都有教這個最便宜入市區的方法。的而且確在車廂中每個香港人手中都有「天書」。

大概16:45到達品川東橫Inn ，check in 後收到一人一包個人用品，包括cleaning foam, hair band, body sponge, mask, 棉花棒、濕紙巾和衛生袋。似乎都是女性用品，男性住客的個人用品包內容會有甚麽不同呢？

放下行李便出發正式開始我們第一天（雖然已經是下午五時多），第一個行程是「吃」，因為在飛機上吃過早餐後一直都沒吃過東西，所以我們先在附近吃拉麵，然後再去池袋。

到達池袋其實未到六時，但已經天黑，可能已是秋天，日本開始日短夜長，好像每日可用的時間都縮短了。

東京之旅

剛去完東京八日，算是第一次集中係東京玩，祇有一日去了橫濱。六年沒去過東京，感覺沒多大改變。從旅遊討論區得到的資料很有用；今次去了一些這幾年流行「新景點」，例如三鷹美術館、吉祥寺、Disney Sea、六本木山等；還有一些「舊景點」以前兩次去東京沒去過的，好像築地、銀座、惠比壽、秋葉原等。快樂的日子總是很快過，但還有些地方想去但不夠時間去，例如下北沢、自由の丘、目黑等，相信要在下次的日本旅程路經東京時再去。

放假

今日係國慶，明天仲有一日假，所以又有閒情寫 blog。呢輪主力都係 plan 緊十月二十至二十七日東京旅程。機票同酒店都 book 好。幾個月嚟上多咗Ｄ旅遊討論區，發覺以往實在自視太高，以為自己對日本嘅旅遊及文化都算認識幾多，但係討論區見到好多人呢方面嘅認識和經驗都好勁，同佢地交流吓都「獲益良多」！所以做人要見多Ｄ、接觸多方面；不論資訊或人，至發覺「天外有天」，自已其實好渺小。

電影你我他她Tag

悶悶地, 又有野玩啦!! 朋友仔有興趣既一齊玩下啦!!

以下是這個tag的玩法：

1.如果你不小心被人tag中，請按tag你那條blog友相關blog右下角的“引用網誌”，然後在自己的blog內新開一篇blog答晒所有問題－－包括那條附加問題。

2.然後你需要想一條附加問題，一定要和電影有關，但你自己不用答這條問題。

3.然後你開始tag人，你可以一個人都唔tag，又可以tag晒全世界。但僅記，唔好tag返那個直接tag你的人。

4.如果若干日後你被人tag返，便可以美其名曰“A circle of friends”了。你需要答晒所有之前沒有答的問題，但請不要再tag任何人，因為已經大團圓結局了。

以下是這個tag的問題和我的答案：

1.你今年最常去哪一間戲院睇戲？

UA 東薈城。

2.你最喜歡哪一位導演？

沒有特別喜歡，曾經比較喜歡岩井俊二。

3.你最喜歡哪一位演員？

沒有特別喜歡，比較欣賞廖啟智。

4.今年哪一齣電影最令你驚喜？

近年好少入戲院睇戲！今年祇睇過「春田花花同學會」。

5.今年哪一齣電影最令你失望？

沒有。

6.你有沒有試過睇戲睇到喊？

經常。

7.你會不會一個人去睇戲？

會。

8. 你最近看了哪一齣電影？

「春田花花同學會」。

9. 最令你感動的一套戲?

很多，比較深刻係「情書」和「觸不到的戀人」。

9. 係戲院睇過最多次數的一套電影?

不太肯定，好像是「两小無猜」。

 

附加問題：

一生人第一次有印象係戲院睇過嘅電影？

八十年代

昨晚係 Karma 個 blog 睇到八十年代的電影戲飛，令我想起八十年代嘅演唱會飛就更精美，同而家嘅電腦飛真係不可同日而語。附圖第一張就係我成世人第一次睇嘅演唱會–林子祥；83年要 HK$120，最貴係 HK$180，二十三年前嘅事！

另外一張林子祥演唱會飛係我最鍾意，嗰次演唱會唔同日子有唔同款式嘅飛，我個同事嗰張係「愛到發燒」嘅猩猩大頭。

仲有一張係「倫伯」出咗「霧之戀」之後84年第一次係紅館開演唱會嘅飛，當時倫伯幾「玉樹臨風」！咦！「露底」tim! 

機場落日

我係屋企都望到同一個景，但住低層，所以祇睇到部分，「海市蜃樓」就見唔到，但仍可在黃昏時見到「咸蛋黃」全隻。

可惜攝影技術不精，所以冇類似照片可作比較。

幾米的秘密花園

上星期四放工後去咗香港藝術中心睇「幾米的秘密花園」；其實唔算好多嘢睇，祇係展出大約各十幅「月亮忘記了」及「又寂寞、又美好」內的畫。仲有幾幅係「微笑的魚」、「地下鐵」、「向左走、向右走」等。仲有放咗三個大約兩尺高的「小蝴蝶」、「小披風」及「微笑的魚」主角公仔。但最多人合照係「微笑的魚」主角公仔，但我比較喜歡「小蝴蝶」。另外仲有「月亮七個半」舞台劇的製作過程部分記錄及道具。HK$30入場費有精美門票、報事貼、postcard .......仲可以任影場內任何嘢，都算「值回票價」啦（影咗Ｄ公仔和畫可以做 wallpaper，我見有人差不多所有畫都影）！仲有場內放咗幾本幾米的書，有新有舊；我都「打釘」睇咗「藍石頭」！