吉之島阿姐

剛剛係Yourtube睇到一段片關於一個女人係康怡吉之島為咗店員唔肯幫佢download歌而係度無理取鬧話要「玩嘢」，但據知佢之後乜都冇做過又冇投訴。我估個女人祇係情緒有問題，但未至精神病，過咗啖氣就冇事，係香港最多呢種人，所以有咁多巴士阿叔、飛機阿姐，而家仲有呢個吉之島阿姐，情緒失控其實好多人都有，祇係差別在程度同埋個人肯唔肯自我注意及處理，每個人都有壓力，但咁唔係「大哂」；就可以隨意發洩，「泱及池魚」。另外而家做服務性行業真慘，以前做服務性行業如果生意好就惡哂，而家做顧客（不論係咪真係有幫襯）嘅最惡，劉德華拍嗰個宣傳片衹係俾個藉口呢D人啫，所以唔應該怪佢。

開工啦！

今日年初四要番工啦！其實我衹係放多兩日假，年三十晚星期六我來就唔駛番工。

今日係公司，例牌有Ｄ做同事週圍打聽邊個老細番咗就拉隊去逗利是，話之自己已經四張嘢或者結咗婚依然樂此不疲，本來無可厚非，但有嘢唔做就唔係幾好。

我雖然未結婚，但自從搬嚟而家呢度住都會係新正頭派利是俾Ｄ客務主任（管理員）同清潔工友。係公司我就不會主動向人攞利是，但別人派俾我會無任歡迎。可能我由細到大每年都唔係到好多利是，所以都冇乜所謂。

在此再向睇到我個blog嘅各位blog友講一聲：

恭喜發財！

 

恭賀新禧

恭賀新禧！

差不多每年年三十晚都會去維園行年宵，雖然係人迫人，但身在其氛感受嗰種香港特有嘅活力氣氛景象，係其他活動中揾唔到，所以近年我衹會參與這個香港市民嘅「集體活動」，其他嘅好似年初二／國慶睇煙花、平安夜／除夕夜倒數我都久違了。更加唔會農曆年貴成倍出外旅遊，費事去到曼谷、東京都覺得好似係香港。但我都好體諒好多人祇有在農曆年先有長假，其他人如果非必要但仲鍾意係呢個時侯同人迫兼俾人「斬」，我一向都「鄙視」呢d人！

Annual Dinner

昨晚是我公司的annual dinner。轉眼間我已出席了十一年，每年地點都是會展，不同的是日期–不一定是在農曆新年前（今年是我加入這間公司的第一次在農曆年前），以往試過在三、四及五月舉行，更加不一定是星期五，真係「估佢唔到」！這類的function我一向都會參加，因為覺得作為公司一份子應該要參與，也可作為同事間聯誼的機會。我在以往和現時工作的公司都總會遇到一些不大喜歡出席這些function的同事。我覺得這是跟歸屬感有一定關係，還有是節目的吸引力。我現在工作的公司每年的annual dinner的確不算吸引，因為不外乎每次都有的例牌節目–老細演講及抽獎（中獎機會比中六合彩三個字更低的比律），有試過部門的歌唱和才藝比賽；又有試過西式雜技表演（類似索拉奇藝坊）；亦有試過好像今年有歌星表演，以往請過陳潔靈、李樂詩和杜德智、方力申，我未入這公司前還有葉麗儀；今年就是鄭嘉穎＋高均賢，這足以令我們很多同事雀躍不已，暫時連老細也不理了（大堆人擠湧在台前，完全忘記老闆們就坐在那裡被化身fans的同事們「淹沒」了）。

損失／着數？！

睇到一位blog友所寫嘅網誌，令我都想寫寫一直以來的睇法。

當年終審法庭有關中國籍公民係香港出生就有居留權嘅判決的確後患無窮，但都係依法判決，唔係政府高官所控制，如果係就代表司法唔獨立，咁就大件事，香港一向都係呢方面比海峽兩岸好，冇埋就同內地其他大城市冇分別。仲有一樣就係好多人覺得嗰嚟香港生仔嘅人第時就一定會冇嘢做嚟攞綜援、着數，當然佢地有居留權就有福利，同香港人係八、九十年代去美國、加拿大生仔有居留權而得到當地福利冇分別。况且內地人有幾萬蚊嚟生仔，相信唔會個個都係為將來嚟攞綜援，好多人都係好似以前香港人９７前搞移民好多都係買個保險（而家好多咪返哂香港甚至內地），反而政府應該要因應現象作出長遠計劃或考慮修改基本法。仲有唔可以話佢地冇貢獻，好多私家醫院婦產科因近年經濟差同出生律下降而冇生意變成其門如市，我係一個婦產科醫生嘅診所見到唔少內地孕婦袋定錢嚟產檢及準備去浸會生，所以搞掂走數問題最重要。長遠仲可以舒援人口老化，但好多人已經假設呢d人將來一定係冇貢獻嘅「廢柴」，這個睇法同對香港男人娶內地女人之後落嚟香港=嚟攞綜援／着數一樣，我曾親耳聽過有女人話自己交稅係用嚟養大陸女人，所以社會充斥歧視偏見造成嘅怨氣先最緊要。其實好多土生土長嘅香港人對香港都冇貢獻啦，如果咁計就冇得計。

瑜珈

昨天是我手術後第一次上瑜珈課，沒有練差不多三個多月，練完後晚上已感到腰酸骨痛，真是「年紀大、機器壞」！我其實是在三年前才開始學瑜珈，因為年紀已不少，所以很多關節已經比較緊，許多動作都做不來了，但夲着「做到幾多得幾多」的精神，而且是我除了游泳之外比較有興趣的運動，所以希望自己能保持繼續練習吸呢！

失物待領

去年十月我在東京住品川東橫Inn時，遺留一個購物袋，內有一個手袋和兩個鏡盒，共值Yen6825。本來有一位網友應承我在今個月尾去東京時會住這間酒店並替我取回，但她最近通知我將不會入住這間酒店，所以不可替我取回。酒店方面衹肯keep到今個月尾，但我已email給他們要求可否延期，他們又不肯寄回給我，我短期內又不會去東京，所以我都預了可能拿不回，誰叫我那次東京之旅大出血到「神智不清」，在收拾行李時沒有點算清楚那些「戰利品」，弄至遺留一袋在房中也不知，直至返回香港unpack行李才發覺。所以這次真的拿不到，就當作跟「它們」有緣無份，在此道別好了，不知「它們」的「下場」會怎樣？會有好「歸宿」還是變成垃圾被棄掉呢？