端午節 / 新電腦

近來工作繁忙，連上網都冇時間，更加冇精神寫blog，難得有mood，所以「重出江湖」。呢幾日都不停落雨，就算今日係端午節公眾假期都唔例外，不過落雨又冇咁熱。

最近終於換咗部電腦，而家上網同做其他嘢都快好多 (以前嗰部太out)，又有手寫板 (買電腦送)，以後寫blog快好多。

今年真係好時年，身邊喜事重重，同部門已知有兩個嫁 (往年一年都未必有一個)。又有一個生仔(女？)，連我一個馬來西亞朋友都會在九月結婚。真係可喜可賀！

電視機

最近屋企部電視機個畫面出現橫紋，最初以為公共天線有問題，叫管理處搵人檢查一下，點知又話裝左有線就要搵番有線check，但有線一時又話有工程做緊 ,一時又話係公共天線問題，總之唔肯搵人黎睇,，後來管理處再搵人黎睇，就發現係電視機本身tuner有問題， 但有線咁既服務態度，我打算9月合約滿左就唔用，不過唔知搵邊間好。

台北行 24-27/11/05

發覺自從2002 年開始差不多年年都去台北一次，多過去大陸，可能近近地一個鐘頭多d就到，食下野、去誠品睇書、又或者去北投/烏來浸溫泉渡假relax 一下，都十分寫意，但去得多都悶，所以下次要去埋其他地方好似台中玩，但係台北依然會去。

日本-大阪/和歌山 21-27/9/05

冇去日本四年幾 ，今次仲係自由行 ，所以好早開始plan。去日本旅行不外乎shopping、滑雪、浸溫泉、玩機動遊戲、去迪士尼等。但今次冇去遊樂場，秋天又冇雪滑，不過呢次有一個主要節目就係去EXPO 2005 AICHI，JAPAN(世界博覽會)  嘩! 簡直係人山人海, 可能係最後幾日啦! 另外一個主要行程就係去和歌山白濱溫泉，可能係淡季遊客比較少，不過風景唔錯，間房有向海view，好正!食都唔錯，房租雖然貴一點，但都算值。仲有大阪環球片場，雖然比美國那個細，但有d項目以前去美國時未玩過，而且又有Snoopy Land ，所以好過去迪士尼。最後一日臨走去埋機場附近個outlet行。呢個旅程基本目標大都達到 - 開心回程。

港樂vs黃耀明電幻狂想曲

昨晚看了明哥和香港管弦樂團的演唱會, 他唱了很多不太熟識的歌, 而且狀態一般, 有點緊張, 今早看網上新聞, 原來有些視覺效果做不出來, 所以影響了表現.

手提電話

昨天阿肥買旗差點掉了手提電話, 是賣旗阿婆拾遺不報, 被發現仍死口不認, 最後雖然取回, 但是失去兩條手機繩, 糾纏了一小時, 阿婆終於承認, 但仍然唔認扔了條手機繩,都冇佢符!