風雨後

呢個天鵝走得快，冇阻住中學會考放榜。

但其實幾大風雨都阻唔到D學生（家長）- 半夜三更8號風球下去大角咀保良局莊啟程預科書院同埋沙田恆生商學院通宵排隊；人地都話唔係先到先得都仲要咁，係唔想執輸定係想表示誠意（我舊年真係聽到有排隊學生咁講）？

就係咁形成一個扭曲嘅社會現象 - 唔用正路去達到目的，反而用D唔正路又唔一定work嘅方法；仲有呢D愛子（女）心切嘅家長亦顯露出點解近年好多人話而家新一代成長延遲 - 20歲嘅思想似10歲，30歲似20歲，如此類推。

可能我唔係為人父母啦！但好相信扭曲嘅一代繼續扭曲下一代。