舊聞翻炒

女高層被指獲贈貴袋 無線不調查

(明報)2010年3月16日 星期二 05:10

【明報專訊】陳志雲 涉 貪醜聞曝光後，藝人王賢誌 近 日又爆料指有人送名貴手袋給女高層，電視城內再充斥收受利益疑雲。對於有高層被指收名貴禮物，無線製作資源部總監樂易玲 表示不 回應有關傳聞，亦不相信王賢誌作出這樣的指控。王賢誌昨日澄清，自己當日只是表示沒有送過禮物給高層，否認曾講出有高層收受名貴手袋。

曾醒明：收禮逾500元須申報

無線外事部副總監曾醒明則表示，公司已有指引，員工若收受價值逾500元以上的禮物便要申報，「這些只是傳聞，相信不會調查」。

據悉，自從陳志雲上周被廉署拘捕後，電視城內人心惶惶，有藝人表示經常會在代言活動中收到禮物，例如電器、健康食品及按摩器等，有時會轉贈公司高層，但並非出自「收買」之心，只是純粹朋友間的餽贈，又指不少高層生日時，大班藝員同事都會一同去慶祝搞生日會，如去年樂易玲生日，便有數十名藝員一起食飯慶祝，不過由於爆出陳總被捕事件，故現時大多決定「按兵不動」，不會亂送禮物。

***************************************************************************************************************************

呢排志雲大師等人嘅新聞肯定係城中熱話，其中有啲傳媒更加話陳總老羞成怒爆料有TVB女高層收藝員名貴手袋、冬蟲草等禮物。

其實呢啲在於我呢個外人嚟講都係舊聞，因為我在前年定去年聽到吳君如喺電台節目訪問爾冬陞時，爾都有提及，而且話呢個情況比佢以前喺邵氏年代更嚴重。唔知點解當時冇傳媒做呢單新聞（可能咁蹺冇聽到），而且佢都係聽說嘅，咁即係呢個情形係圈內已經係公開嘅秘密喇，咁點解而家先爆出呢？

證明有啲新聞並非真係「新」，祇係「材料」或係「彈藥」而已。