幾米的秘密花園

上星期四放工後去咗香港藝術中心睇「幾米的秘密花園」；其實唔算好多嘢睇，祇係展出大約各十幅「月亮忘記了」及「又寂寞、又美好」內的畫。仲有幾幅係「微笑的魚」、「地下鐵」、「向左走、向右走」等。仲有放咗三個大約兩尺高的「小蝴蝶」、「小披風」及「微笑的魚」主角公仔。但最多人合照係「微笑的魚」主角公仔，但我比較喜歡「小蝴蝶」。另外仲有「月亮七個半」舞台劇的製作過程部分記錄及道具。HK$30入場費有精美門票、報事貼、postcard .......仲可以任影場內任何嘢，都算「值回票價」啦（影咗Ｄ公仔和畫可以做 wallpaper，我見有人差不多所有畫都影）！仲有場內放咗幾本幾米的書，有新有舊；我都「打釘」睇咗「藍石頭」！