貪新忘舊

上次講過我個電話入咗「院」(維修中心)，「佢」早幾日出番嚟，但係原先以為佢要整一、兩個禮拜，而Nokia可借用嘅手機又太out (3610 黑白芒），message function 有問題，我同職員講，佢話冇得揀，唔見咗仲要賠$1000，出去買番個二手都唔駛$200（我昨晚先係旺角見到6110彩芒都係賣$200，不過唔見3610，可能佢已經絕版，所以係無價)，因此索性唔借買過第二部替佢，不過都係同族(Nokia)，用慣咗懶得去適應另一隻牌子。我除咗第一個手機係Motorloa之外，一直都係用Nokia，咁啱前日去剪頭髮，髮型師M都係換咗呢個型號，但佢勁彈唔好用。

而家最唔方便就係因為整機而唔見咗好多朋友電話，而家要等佢地聯絡我。