最近工作壓力很大，特別是上星期，加上與同事之間的關係不好，令我非常沮喪。我覺得自己不是一個稱績的管理人材，工作上往往跟上司沒有問題，但跟下屬的關係卻很差；他／她們對我的態度很不友善，很多時給面色我看，心情不佳便向我發脾氣，令我很不好受。可能是我一直在這方面做得不夠好；我之前也在一篇blog談過這個問題，我的性格真的不太適合做管理，我對處理人事關係真的感到很疲倦。近來精神經常處於緊張狀態，有手震和手軟的感覺，胸口好像被石頭壓住。曾想過是不是應該辭職休息令精神放鬆一下，但這個是不是解決方法？我是不是在逃避呢？不做現在的工作，我可以做甚麽？我往後的路要怎樣行呢？
下屬可以發你脾氣? 咁係唔係即係你太好蝦呀?
回覆刪除[版主回覆11/04/2007 23:58:00]可能我係佢地初入嚟做時諗住對佢地包容同客氣一D，諗住攪好D關係，點知就當我好蝦，而家想對佢地嚴厲D都唔怕我；加上係大公司我地呢D中下層上面仲有高層，佢地覺得我呢D位冇影響力所以當我冇到，我同佢地關係唔好就唔會俾面我。
有時真係好難攞到平衡，你太惡，人o地又話你擺款；你唔惡咩，又比人蝦返轉頭。我唔相信你做唔到管理層，因為你做o野好有心，不如你將你個情況同上司傾傾，佢o地都係過來人，可能比到意見你呢。工作啫，唔好放得咁重心機去睇，你比太大壓力自己啦，我感覺到你想做好自己，但如果人o地唔領情都無法子，只要自己認為啱，又對公司有利，其他o野唔顧得咁多。你太顧人感受啦，變相忽略o左自己o既感受！
回覆刪除[版主回覆11/09/2007 17:59:00]Dolly Girl, 好多謝你的意見。我的家人都有和你差不多的看法，但可能是自己的性格問題，對於別人的反應太在意，不可以做到不受對方影響。Anyway, thank you!(今天我也是因為情緒問題引致身體不適，所以下午請了半天病假回家休息，所以可以在這個時間回覆你，否則我現在還在公司呢）