Pursue your life

今日老細出咗個email話同事G會係六月離職同埋有關嘅人事調動。其實我都唔係太surprise，因為之前我都聽到佢話想休息，估唔到佢真係坐言起行；Ｇ係公司做咗超過十二年（仲耐過我），同佢幾有緣；我地曾經係鄰居，佢住係我樓上，係我初入嚟做時無意中講起先知，不過嗰時佢已經唔係嗰度住，但佢屋企人仲係，而家連佢屋企人都搬走咗去隔離d居屋住，我亦都同家姐搬出去住la。另一樣同Ｇ有緣就係佢預科係同我中學同一間學校tim。我有機會都想問吓佢有咩未來大計。老細個email提到Ｇ嘅離職原因係寫 "pursue her life"，令我挑起我近呢一年有嘅念頭 .... 離開現在嘅工作，在有生之年嘗試做其他嘢，過另一種生活–pursue my life .......... 不過一切都要好好計劃！